Salpicados é unha traxedia contemporánea na que tres personaxes rompen cun pasado agobiante e procuran o cambio. A muller cansa, a persoa soa e o home espido representan a calquera persoa con inquedanzas, son a personificación dos problemas actuais.

Unha posta en escena atrevida levada pola man de Irene Moreira e representada por Keka Losada, Samuel Merino e Alex Sobrino. Xerpo Cultural produce este emocionante espectáculo que reflicte a sinxeleza dos sentimentos que o ser humano tende a complicar. "Os motivos non importan cando a cousa está clara".